[responsive-menu] الحدث بريس

الزغاريت

ذ عبد اللطيف لمراني

18 يناير 2018 12:34 ص 0

الزغاريت.....

زغرتولو في ولادتو.

نسات الوالدة وجاعها.

دارت الحرمل في سرتو.

عاودو زغرتو في طهارتو.

بكات مو وجاعها من من وجعو.

وفرح باه بسلالتو.

خفافت الزغارت نهار كبر وخفافت شاهدتو.

ماحيلتو لعضامو البارد، ماحيلتو للقراية اللي.

فيها عنايتو.

بعد سنين من عطالتو.

بالمصادفة جالها وجاتلو خدمتو.

وزغرتات فيه حلامو فضنك ليلاتو.

عشق الزين وماشي كل زين يندار بزواقاتو.

العين العمشة كل صبيب ضو قالت عنو مزيناتو.

ماهيا نقرا ولا نحاس.

ماهيا دگيگ مع الزيت كي زميطة فالنفاس.

مازغرتو.

غير تابعات النگافة بغراماتو.

من تم المسكين شر ماتسمع ودانو هو لحن الزغاريت.

وياريت.

نال ما بغا حتا من الزغاريت.

فليلة عرسو ، مات صاحبو ، من جايلو، فالصبا والهيت.

وهيتهوم شكال ، سياسة وافكار، كلها يكمل كلامو.

بگالت دروك نيت....

مات صاحبو، وخرجات جنازتو.

لايلاها الا الله من فم رجال الزنقة.

حيث صاحبو عزري.... لعيالات زغرتو......

هادي قصة صاحبي وصاحبو ماعرفتو.

بلحق مابغيت يويوي ،.

صوت الزغارت عفتو.

ماقديت عليه.

حضيوه للنصر يلا هزينا علامتو......

انا كيف صاحبي وصحابو.

صاحبي بابي هو بابو.

لكل باب زكرم ولكل حمام قبابو.

خليو التالية فالفرح.....

كيدارت مولات المنسج بعد سالاتو.

عاد فالقبيلة كلشي زغرتو.......

  ...

مشاركة

[apss-share]

التعليقات تعليقات الزوّار (0)

الآراء الواردة في التعليقات تعبر عن آراء أصحابها وليس عن رأي الحدث بريس

لن يتم نشر عنوان بريدك الإلكتروني.

*
*

سبعة عشر − 12 =